Presidentja e Komisionit Evropian, Ursula von der Leyen, theksoi se siguria e Evropës është në një moment të rëndësishëm dhe kërkoi forcimin e mbrojtjes, ndërsa mori pjesë në samitin urgjent për Ukrainën në Paris.
Ajo shtoi se BE-ja dhe partnerët e saj duhet të ndryshojnë mënyrën e të menduarit për të përballuar sfidat e sigurisë në Evropë.
Në takimin e organizuar nga Presidenti francez Emmanuel Macron, u diskutua për strategjinë e përbashkët të Evropës ndaj situatës në Ukrainë dhe për të përshpejtuar diplomacinë.
Po ashtu, u ngritën shqetësime për mundësinë që SHBA dhe Rusia të arrijnë një marrëveshje paqësore dypalëshe.
