Papa Françesku, 88 vjeç, po qëndron në spital pas konfirmimit nga mjekët se ai është prekur nga një infeksion polimikrobial në traktin e frymëmarrjes.
Mjekët e Vatikanit kanë theksuar se gjendja e Papës është më e rëndë nga sa ishte menduar fillimisht, duke u përballur me patogjenë të vështirë për t’u trajtuar në mushkëri.
Për shkak të kësaj, trajtimi i tij është ndryshuar dhe ai do të ketë nevojë për pushim të plotë. Audienca e Papës e planifikuar për të mërkurën është anuluar dhe nuk është dhënë një afat për kur ai mund të lirohet nga spitali. Pas problemeve të shëndetit në vitet e fundit, ky është shtrimi i katërt i Papës në spital që nga marrja e detyrës në vitin 2013.
