Ishulli i Santorinit vazhdon të përballet me lëkundje sizmike që kanë shtuar shqetësimet për banorët dhe vizitorët. Autoritetet greke kanë ndërmarrë masa urgjente për të siguruar mbrojtjen e jetëve dhe infrastrukturën.
Ministri i Mbrojtjes Civile, Vassilis Kikilias, ka njoftuar planet për ndërtimin e një porti evakuimi në Santorini, i cili do të lehtësojë lëvizjen e banorëve dhe turistëve në rast emergjence.Ky port i ri ka për qëllim të mundësojë një rrugë të sigurt për evakuim dhe do të shërbejë si një qendër transporti për pasagjerët që udhëtojnë me tragete.
Ministri Kikilias theksoi se do të vazhdojnë të merren masa emergjente për të garantuar sigurinë e qytetarëve. Ai gjithashtu bëri thirrje për një përgatitje të gjatë për mundësinë e tërmeteve të vazhdueshme në muajt që pasojnë.
