Me rastin e 17-vjetorit të Pavarësisë së Kosovës, presidentja Vjosa Osmani organizoi një ceremoni nderimi në Prishtinë, ku dekoroi ish-presidentin e Shqipërisë, Bamir Topi, me titullin “Medalja Presidenciale e Meritave”.
Topi u nderua për kontributin e tij të jashtëzakonshëm në forcimin e marrëdhënieve mes Shqipërisë dhe Kosovës dhe përkushtimin për kultivimin e frymës përbashkuese.
Gjatë fjalës së tij, ai kujtoi momentet e rëndësishme të pavarësisë së Kosovës dhe theksoi rëndësinë e bashkëpunimit për konsolidimin e institucioneve dhe integrimin e Kosovës në BE dhe NATO.
