Policia e Vlorës ka realizuar dy operacione të suksesshme gjatë ditës së sotme. Në operacionin e parë, u arrestua një 38-vjeçar me rrezikshmëri të lartë shoqërore, pas tentativës për të qëlluar ndaj efektivëve, ndërsa ai qarkullonte i armatosur. Gjatë kontrollit, u gjet dhe u sekuestrua një armë zjarri pistoletë me municion luftarak.
Në operacionin e dytë, u zbuluan dy ambiente të përshtatura për kultivimin e kanabisit, ku u sekuestruan rreth 780 bimë dhe pajisje të specializuara për rritjen e tyre. Gjatë kontrolleve, u arrestua në flagrancë një person, ndërsa një tjetër u shpall në kërkim. Policia vazhdon hetimet për grupet e përfshira në këtë aktivitet kriminal.
