Aleanca konservatore e Friedrich Merz ka fituar zgjedhjet parlamentare kombëtare të Gjermanisë, sipas exit-poll-eve të para, kurse e djathta ekstreme regjistroi rritjen më të lartë.
Konservatorët, të përbërë nga Unioni Kristian Demokrat (CDU) i Merz-it dhe Unioni Kristian Social (CSU) sipas exit-poll-eve të para kanë marrë gati 29% të votave.
Votimi i së dielës bëri që Alternativa për Gjermaninë (AfD) e ekstremit të djathtë – një parti me qëndrime të forta kundër emigracionit dhe pro-ruse – të vinte e dyta me 20%.
Ky është rezultati më i mirë i tij në një zgjedhje kombëtare në vendin më të fuqishëm të Evropës, duke dërguar valë tronditëse në kontinent.
Këto janë exit-poll-et e para, zyrtarisht nesër del rezultati i saktë i votimit. Por tashmë partia fituese e Merz duhet të mendojë për koalicionin qeverisës pasi vetë nuk i ka numrat.
