Kryeministri Edi Rama ka ndarë pamje nga vizita e djeshme e Presidentit të Emirateve të Bashkuara Arabe, Mohamed bin Zayed Al Nahyan. Në një postim në rrjetet sociale, Rama theksoi se gjatë takimit u vendosën pika të reja bashkëpunimi dhe miqësie vëllazërore mes dy shteteve.
“Mirëmëngjes dhe me FotoALBUMIN e një vizite historike, ardhjes për herë të parë në Shqipëri të Presidentit të Emirateve të Bashkuara, Sheikh Mohamed Bin Zayed Al Nahyan, me të cilin vendosëm piketa të reja bashkëpunimi në një rrugë miqësie vëllazërore”, shkruan Rama.
Dy qeveritë firmosën marrëveshje që forcojnë lidhjet në fusha të ndryshme, përfshirë ato ekonomike dhe teknologjike.
