Ministri i Financave i Gjermanisë, Joerg Kukies, ka deklaruar se Rusia nuk do të rikthehet në grupin G7, pavarësisht kërkesës së presidentit të SHBA-së, Donald Trump.
Kukies theksoi se G7 dënon ashpër luftën e agresionit të Rusisë, sidomos në përvjetorin e tretë të sulmit ndaj Ukrainës, dhe se propozimi i Trumpit nuk do të marrë mbështetje unanime.
“G7 e dënon shumë qartë luftën e agresionit të Rusisë, veçanërisht në përvjetorin e tretë të sulmit brutal nga Rusia”, ka thënë Kukies.
Ai po ashtu foli për nevojën e rikthimit në zhvillim ekonomik gjatë samitit të ministrave të financave të G20-s.
