Policia e Kukësit ka vijuar hetimet për zbardhjen e plotë të plagosjes së Elvis HaliliT, e ndodhur më 19 shkurt 2025, dhe ka arritur të kapë dhe arrestojë një 30-vjeçar në Tiranë, të dyshuar si bashkëpunëtor në këtë ngjarje.
Ai është arrestuar por po ashtu janë vënë në pranga dy persona të tjerë, E. A. dhe G. P., të cilët dyshohen se kanë ndihmuar të dyshuarin kryesor të fshihej.
Në vijim të hetimeve intensive, shërbimet e DVP Kukës kanë siguruar informacion mbi vendndodhjen e autorëve dhe kanë mundur të lokalizojnë dhe kapin në Tiranë personat e dyshuar, Z. M dhe dy personat që e shoqëronin.
Për këtë ngjarje, ai akuzohet për “Vrasje me paramendim”, mbetur në tentativë, si dhe për “Prodhimi dhe mbajtja pa leje e armëve”. Ndërsa dy të arrestuarit e tjerë, janë akuzuar për “Përkrahjen e autorit të krimit”. Materialet procedurale janë dërguar në Prokurorinë e Kukësit për veprime të mëtejshme.
