Kryeministri Edi Rama ka reaguar pas seancës gjyqësore për shpifje me Gazmend Bardhin. Në një postim në X, Rama ka zbuluar se avokatët e Bardhit kërkuan që të mos merren parasysh vendimet e çështjes penale, duke argumentuar se deklaratat e Bardhit ishin fakte të njohura publikisht.
Rama shpjegoi se gjyqi është kundër tij për shpifjet që Bardhi ka bërë lidhur me pretendimet për fshirjen e emrit të vëllait të tij nga dosja, duke shtuar se SPAK e ka hedhur poshtë këtë akuzë.
“Një mesazh nga koordinatori juridik i shumë gjyqeve me kënetën. Lexojeni pak:
‘Sot kishim gjyqin per shpifje me Gaz Bardhin. Avokatet e tij kane kembengulur qe te mos merren parasysh vendimet e penales, sepse medemek ato qe ka thene bardhi jane fakte te njohura publikisht dhe ai thjesht i ka perseritur. Plus ne parashtrime thoshin Ols Rama ashtu e Ols Rama keshtu packa se SPAKU e nxorri qarte fare qe ai s’ka asnje lidhje me akuzat e Bardhit. Megjithate avokati yne ua ka bere te qarte qe padia eshte e Edi Rames dhe behet fjale per deklaratat e Bardhit per kryeministrin qe ka fshire emrin e vellait nga dosja me prokurore qe pastaj i ka promovuad etj etj.. Pra gjyqi eshte me Edi Ramen dhe per shpifjet ndaj Edi Rames, prandaj ata duhet te sjellin prova qe te vertetojne theniet e Bardhit. Po natyrisht ata prova s’kane dhe s’perdridhen duke shtyre seancat me llafe boshe. Ju informoj per seancen tjeter”. Eh Babale Babale, s’perdridhu s’perdridhu…”, shkruan Rama.
