Shqipëria është zgjedhur anëtare në Këshillin e Organizatës Ndërkombëtare për Ndihmat Detare (IALA). Ky anëtarësim thekson angazhimin e vendit në bashkëpunimin ndërkombëtar dhe promovimin e standardeve më të larta në ndihmat detare.
Pjesëmarrja e Shqipërisë në këtë organizatë do të kontribuojë në përmirësimin e sigurisë dhe qëndrueshmërisë mjedisore të transportit detar, veçanërisht në Mesdhe.
Komandanti i Forcës Detare shqiptare, nënadmiral Adnand Agastra, mori pjesë në asamblenë e parë të IALA-s dhe theksoi rëndësinë e një sistemi të avancuar të ndihmave detare.
