Një grup trafikantësh droge, ku shumica ishin shqiptarë, është goditur nga policia italiane pas një hetimi të gjatë të kryer nga Antimafia e Milanos. Në total, janë arrestuar 10 persona që kryenin shpërndarjen e dozave të drogës përmes “postës biçikletë” te klientët.
Grupi përdorte një strategji të organizuar, me bazë në zonën e Trezzo dhe ishte i shtrirë deri në Bergamo. Pasuritë e sekuestruara përfshijnë tre llogari me vlerë 150 mijë euro, një apartament në ankand dhe 45 mijë euro cash. Banda përfshinte tetë shqiptarë dhe një italian, ndërsa një tjetër i dyshuar u arrestua në Gjermani.
Në operacion, u konfiskuan gjithashtu makina dhe dy garazhe. Hetuesit zbuluan se veprimtaria e grupit ishte shumë e përpiktë, me vëllezërit shqiptarë që drejtonin aktivitetin dhe shpërndanin drogën.
