Ende nuk ka asnjë të arrestuar për vrasjen që trondit dje Shkodrën. Mbi 20 persona janë shoqëruar. Pavlin Preka u gjet pa jetë në oborrin e shtëpisë nga xhaxhai. 20-vjeçari kishte plagë plumbi në gjoks. Rrethanat e ngjarjes dhe dinamika mbeten mister.
“Është djali i vëllait, nipi. Lajmin e kam marrë vesh para 20 minutash. Kam marrë fjalën se e kanë ther te shtëpia në Guci. Sa u bëra gati kam ardhur dhe nuk e di më gjatë. Nuk di të ketë pasur probleme.
Ai ka jetuar me babanë dhe vëllanë në Dukagjin, shumicën e kohës. Ka qëndruar herë në Dukagjin dhe herë këtu. Në Dukagjin, punonte tokën dhe mbante bagëti. Ka ngrenë bukë me sforcim. Policia e di vetë, s’ka nevojë t’i bëj apel. Shtetit merr masat e veta”, tha ai
