Real Madrid u mposht me përmbysje në transfertë nga Real Betis, me rezultatin 2-1, në ndeshjen e javës së 26-të në La Liga.
Skuadra e Ancelottit kaloi në avantazh pas 10 minutave lojë me Brahim Diaz. Vendasit reaguan mirë dhe barazuan shifrat me Johnny Cardoso në minutën e 34-t.
Isco u tregua i saktë nga pika e penalltisë, duke shënuar golin e përmbysjes dhe të fitores për Real Betis. Me këtë humbje, Real Madrid mbetet në vendin e dytë me 54 pikë.
