Maria Zakharova zëdhënësja e Ministrisë së Jashtme të Kremlinit e cilëson vizitën e Volodymyr Zelenskyt në Uashington si një “dështim të plotë diplomatik të Kievit”.
Maria Zakharova tha se presidenti ukrainas është “i fiksuar” me zgjatjen e luftës.
Ajo tha se qëllimet e Moskës mbeten “çmilitarizmi” i Ukrainës dhe aneksimi i të gjitha territoreve të pushtuara aktualisht nga Rusia.
“Me sjelljen e tij jashtëzakonisht të vrazhdë gjatë qëndrimit të tij në Uashington, Zelensky konfirmoi se ai është kërcënimi më i rrezikshëm për komunitetin botëror si një nxitës i papërgjegjshëm i një lufte të madhe”, thotë Zakharova.
“Sa më shpejt që Kievi dhe disa kryeqytete evropiane ta kuptojnë këtë, aq më afër do të jetë zgjidhja paqësore e krizës ukrainase”, tha zëdhënësja.
Me takimin e djeshëm mes Trump dhe Zelenskyt në Zyrën Ovale nuk u arrit që të nënshkruhej marrëveshja që ishte planifikuar por u zhvillua e gjitha me debate dhe tone të larta.
