Deputetja demokrate Jorida Tabaku me anë të një postimi në rrjete sociale deklaron se mbi 800 mijë pensionistë jetojnë në varësi të qeverisë.
Tabaku nënvizon se pensionistët nuk ksnë një të ardhme të sigurt dhe janë në mëshirë të politikave të qeverisë. Ajo thekson se me planin e Partisë Demokratike do të ndërtohet një ekonomi më e drejtë duke vendosur interesin e qytetarëve të parin.
“Por ka një zgjidhje reale! Pas 11 majit, paketa e Partisë Demokratike nuk do të jetë thjesht një masë emergjence, por një plan i plotë për të përmirësuar jetën e qytetarëve. Në 100 ditët e para, ky plan ka në bazë:
✅ Minimumin jetik prej 200€
✅ Pensionin mesatar prej 400€
✅ Rritjen e pagës mesatare në 1,200€”, thotë Tabaku.
