Një elektricist i OSHEE-së në Mirditë, 64 vjeç, ka pësuar lëndime të rënda pasi është zënë nën vete nga disa shtylla druri që po shkarkoheshin nga një kamionçinë.
Ngjarja ndodhi mesditën e djeshme dhe mësohet se punonjësi ka pësuar dëmtime gjatë procesit të shkarkimit të shtyllave. Ai është dërguar menjëherë në Spitalin e Traumës në Tiranë dhe aktualisht ndodhet jashtë rrezikut për jetën.
Policia ka nisur hetimet për të zbardhur rrethanat e aksidentit, ndërkohë që materiali është referuar në Prokurorinë e Lezhës për hetime të mëtejshme.
