Shqipëria ka humbur një sulmues që premton shumë për të ardhmen. Bëhet fjalë për djalin e Rudi Vatës, legjendës së kombëtares shqiptare.
Djali i tij, Rocco Vata ka marrë ftesën për të luajtur me ekipin e parë të Irlandës në play off-et e Ligës së Kombeve.
Ai nuk ka marrë ftesë nga kombëtarja shqiptare dhe kështu duket se ka pranuar ftesën e Irlandës. Kjo gjë i ka shuar shanset e tij për të veshur fanellën kuqezi.
Talenti shqiptar po zhvillon një sezon fantastik në Angli me Watford, ku ka shënuar 4 gola dhe ka dhuruar 3 asiste.
Irlanda do të luajë dy takimet e radhës për play off-et e Ligës së Kombeve me Bullgarinë, më 20 mars në transfertë dhe tre ditë më vonë në shtëpi.
