Dy persona, të moshës rreth 25 dhe 30 vjeç, u gjetën të pajetë këtë të shtunë në një mal mbi fshatin Kamenicë në Korçë.
Sipas informacionit paraprak nga autoritetet, nuk janë konstatuar shenja dhune në trupat e tyre. Hetuesit dyshojnë se vdekja mund të ketë ardhur si pasojë e temperaturave të ulëta në zonën malore, por shkaku përfundimtar do të përcaktohet pas autopsisë.
Policia ndodhet në vendngjarje për të kryer hetimet e nevojshme dhe për të sqaruar rrethanat e këtij rasti tragjik.
