Bruno Pizzul, një zë historik i gazetarisë sportive italiane, vdiq në spitalin e Gorizias. Ai do të kishte mbushur 87 vjeç të shtunën.
Ai ishte zëri i netëve magjike të Botërorit 1990, i penalltive në Pasadena katër vjet më vonë. “Robertobaggiooooo” i tij hyri në zemrat e të gjithëve. Ai mbuloi ndeshjet e Italisë për 16 vjet, nga 1986 deri në 2002, e fundit prej të cilave ishte Itali-Slloveni më 21 gusht 2002, një miqësore e luajtur në Trieste dhe e humbur nga Azzurri 1-0.
Pizzul komentoi ndeshjet e kombëtares në pesë Kupat e Botës, katër Kampionatet Evropiane dhe në të gjitha ndeshjet kualifikuese të Kupës së Botës dhe Kampionatit Evropian, me përjashtim të finales së vendit të tretë në Itali ’90 (vetëm sepse ishte i zënë në ndeshjen e titullit të nesërmen në Stadio Olimpico). Ai ishte një zë i dashur edhe për shqiptarët që dëgjonin Europianë dhe Botërorë nën komentin e tij.
