Ambasadori i Gjermanisë në Kosovë, Jorn Rohde, ka theksuar se Serbia ka shkelur Marrëveshjen e Ohrit me veprimet e saj në Këshillin e Evropës, duke penguar avancimin e Kosovës për statusin e mysafirit special.
Ai theksoi mbështetje të fortë për Kosovën, duke e përkrahur në aspiratat e saj për anëtarësim të plotë në këtë institucion.
Rohde theksoi gjithashtu se Bashkimi Evropian ka reaguar fuqishëm ndaj këtyre veprimeve të Serbisë.
‘Bashkimi Evropian ka reaguar me forcë: Veprimet e Serbisë në Këshillin e Evropës që pengojnë përparimin e Kosovës shkelin Marrëveshjen e Ohrit 2023. 🇪🇺 Gjermania qëndron me Kosovën, duke mbështetur aspiratën e saj për anëtarësim të plotë në Këshillin e Evropës dhe duke ndihmuar në sigurimin e votave bazuar në meritat e saj’’, ka shkruar ai.
