Presidenti Donald Trump ka paralajmëruar se Shtetet e Bashkuara mund të vendosin sanksione dhe tarifa të reja ndaj Rusisë pas një vale sulmesh të reja ndaj Ukrainës. Trump theksoi se këto masa do të jenë në fuqi deri në arritjen e një armëpushimi dhe marrëveshjeje përfundimtare për paqe.
Ai u bëri thirrje palëve për të ulnë në tryezën e bisedimeve dhe arritur një marrëveshje, duke shtuar se Rusia dhe Ukraina duhet të veprojnë tani, përpara se të jetë shumë vonë. Trump gjithashtu bëri të ditur se është duke konsideruar sanksione bankare dhe masa të tjera ndaj Rusisë.
“Bazuar në faktin se Rusia po godet absolutisht Ukrainën në fushën e betejës tani, unë jam duke konsideruar fuqimisht sanksione bankare në shkallë të gjerë, sanksione dhe tarifa ndaj Rusisë deri sa të arrihet një armëpushim dhe marrëveshja PËRFUNDIMTARE PËR PAQE. Për Rusinë dhe Ukrainën, uluni në tryezë tani, para se të jetë tepër vonë. Faleminderit!!!”, thotë Trump.
