Gjykata e Apelit lë në fuqi dënimin me 30 vite burg për Albert Kacën i cili i përplasi për vdekje me makinë ish-kunatin e tij në Ishull-Lezhë në vitin 2019. Albert Kacaj u shpall fajtor për veprën penale “Vrasje e kryer brenda rrethit familjar”.
Ai përplasi për vdekje ish kunatin e tij Ylli Mena në mëngjesin e 21 shtatorit të vitit 2019, teksa po lëvizte në këmbë në Ishull-Lezhë. Më pas Ylli Mena u dërgua në spitalin e Traumës por për shkak të plagëve të marra humbi jetë.
Viktima ishte martuar me motrën e autorit, me të cilën kishin tre fëmijë, por rreth tre muaj pas ngjarjes së rëndë, ata ishin ndarë, duke sjellë edhe konflikt mes palëve.
