Kryeministri Edi Rama së bashku me Ministren e Arsimit dhe Sportit Ogerta Manastirliu dhe me kryetarin e bashkisë Kamëz kanë inspektuar punimet në shkollën 9-vjeçare “Angela Merkel”.
Manastirliu nënvizoi rëndësinë e këtij investimi për tu siguruar nxënësve kushte të denja për të mësuar dhe zhvilluar atësitë e tyre.
“Kjo është një shkollë me standarde europiane. Janë 19 shkolla të reja në 4 vite në Kamëz. Në shtator hapëm 40 shkolla të reja dhe të rindërtuara në të gjithë vendin, ndërkohë që tashmë kemi mbyllur fazën e aplikimit për projekte, për rreth 30 milion euro për të gjitha bashkitë për rehabilitimin dhe rindërtimin e shkollave”, tha Manastirliu.
