Policia ka arrestuar dy të rinj në Tiranë, pasi u kapën në flagrancë duke shitur drogë. Gjatë operacionit “Interruption”, Reshat Qatromi, 36 vjeç dhe Ledin Kazanxhi, 27 vjeç, u kapën në rrugën “Memo Meto” me një sasi prej 1.7 kg kanabis, të cilin e posedonin për ta shitur.
Gjatë kontrollit në banesën e 36-vjeçarit, u sekuestrua një sasi tjetër kanabis, pajisje elektrike që shërbenin për kultivimin e bimëve narkotike në ambiente të mbyllura dhe prova të tjera materiale.
Këta dy persona u arrestuan dhe materialet procedurale i kaluan Prokurorisë për hetime të mëtejshme.
