Burime nga seanca e Apelit të GJKKO bëjnë me dije se avokati i Erion Veliajt, Ermir Beta, ka kërkuar që masa e “arrestit me burg” ndaj kryetarit të Bashkisë së Tiranës të shfuqizohet. Ai ka theksuar se Veliaj nuk ka asnjë rrezik të prishë provat apo të intimidojë dëshmitarët dhe se duhet të lirohet nga paraburgimi.
Pas avokatëve, vetë Veliaj do të parashtrojë pretendimet e tij për heqjen e masës së sigurisë. Gjyqtari Engert Pëllumbi është ai që po shqyrton ankimimin, i njohur për dënimin e ish-ministrit të Brendshëm, Saimir Tahiri.
Erion Veliaj akuzohet për “Korrupsion pasiv” dhe “Pastrim parash”, ndërsa bashkëshortja e tij, Ajola Xoxa, po hetohet për mosdeklarim pasurie dhe është në masë detyrim paraqitjeje.
