Donald Trump Jr., djali i presidentit amerikan, ka zbarkuar në Beograd dhe së shpejti do të takohet me presidentin serb Aleksandar Vuçiç. Donald Jr. është një nga këshilltarët kryesorë të babait të tij dhe luajti një rol të madh në fushatën zgjedhore.
Së fundmi ai ka vizituar Grenlandën dhe shquhet si një person që do të ketë një ndikim kyç në zbatimin e politikave të administratës së re amerikane.
Duke qenë se Donald Trump nuk mund të kandidojë në zgjedhjet presidenciale të vitit 2028 sipas Kushtetutës, kjo i hap derën për të kandiduar Donald Jr.
Ai e këshilloi të atin për anëtarët e kabinetit të tij të ri dhe dyshohet se pas disa prej zgjedhjeve më të diskutueshme, siç ishte Robert Kennedy Jr., i cili u emërua Sekretar i Shëndetësisë, qëndronte Donald Jr. Ashtu si presidenti aktual i Amerikës, Donald Jr. vlerëson më shumë besnikërinë.
