Dy persona janë arrestuar në Vlorë, ndërsa një tjetër është proceduar penalisht, pasi shpërndanin euro të falsifikuara.
Jurgen Tërpo, 25 vjeç, dhe Bledar Sulko, 35 vjeç, siguronin kartëmonedha false, ndërsa Trifon Kiço, 24 vjeç, i fuste në treg përmes blerjeve në biznese të ndryshme të qytetit.
Gjatë operacionit, policia sekuestruan një shumë prej 2550 eurosh të dyshuara të falsifikuara, në prerje 50 dhe 100 euro.
Hetimet po vazhdojnë, nën drejtimin e Prokurorisë së Vlorës, për identifikimin e personave të tjerë të përfshirë në këtë aktivitet kriminal.
