Ministri i Jashtëm Igli Hasani ka cilësuar ratifikimin e marrëveshjes ndërmjet Republikës së Shqipërisë dhe Bankës Evropiane të Investimeve (BEI) si një hap të rëndësishëm në agjendën evropiane të Shqipërisë. Ky hap parashikon hapjen e një zyre të BEI në Tiranë.
Hasani theksoi se hapja e kësaj zyre do të përshpejtojë realizimin e projekteve strategjike, si infrastruktura, energjia e rinovueshme, digjitalizimi, kujdesi shëndetësor dhe arsimi. Ai shtoi se kjo zyrë do të sjellë financime të reja dhe mbështetje për projekte kyçe, duke kontribuar në rritjen ekonomike dhe përmirësimin e kushteve të jetesës për qytetarët shqiptarë.
“Hapja e një zyre të BEI në Tiranë është një mundësi për të përshpejtuar realizimin e projekteve strategjike, si infrastruktura, energjia e rinovueshme, digjitalizimi, kujdesi shëndetësor dhe arsimi”, tha ministri i jashtëm Igli Hasani.
