Apeli i GJKKO-së ka lënë në burg kryebashkiakun e Tiranës, Erion Veliaj. Ndërkohë gjykata ka vendosur masën “Arrest në shtëpi” për biznesmenin Elman Abule. Avokati i kryetarit të bashkisë, Maks Haxhiaj u shpreh i ashpër me prokurorinë e posaçme.
“Prokuroria nuk solli asnjë provë të re. Masa e tillë një absurditet që ndodh vetëm në Shqipëri, aq më tepër për vepra të tilla që nuk kanë rrezikshmëri.
Nuk mund të vendoset një masë e tillë për një kryebashkiak të zgjedhur 3 herë dhe t’i thuash je i rrezikshëm. Rrezikshmëria është e lidhur me mundshmërinë për të kryer vepra të tjera të rrezikshme penale që dëmtojnë jetën dhe shëndetin e dikujt” tha ai.
