Presidenti turk, Recep Tayyip Erdogan, theksoi rëndësinë strategjike të Turqisë për Bashkimin Evropian dhe nënvizoi se BE mund të forcohet vetëm me anëtarësimin e plotë të Turqisë.
Ai e bëri këtë deklaratë gjatë një takimi me kryeministrin polak, Donald Tusk, në Ankara. Erdogan përsëriti angazhimin e Turqisë për anëtarësimin në BE dhe diskutoi për avancimin e bashkëpunimit me unionin.
“Nëse Bashkimi Evropian dëshiron të parandalojë apo edhe të ndryshojë humbjen e pushtetit dhe ndikimit të tij, ai mund ta arrijë këtë vetëm përmes anëtarësimit të plotë të Turqisë. Ne vazhdimisht theksojmë se anëtarësimi i plotë në BE mbetet objektivi ynë strategjik. Ne diskutojmë shpesh me homologët tanë dëshirën për të çuar përpara bashkëpunimin me BE bazuar në përfitimin dhe respektin reciprok”, tha Erdogan.
Ai gjithashtu shprehu gatishmërinë e Turqisë për të luajtur rol në ndihmën për arritjen e paqes në Ukrainë dhe mes Rusisë dhe Ukrainës.
