Kryetari i PD-së, Sali Berisha ka zhvilluar këtë të shtunë një bashkëbisedim me ndjekësit në Facebook. Ai ka hedhur akuza të shuma për listën e PS-së, theksoi se demokratët do të mbrojnë votat për të firmosur fitoren në 11 Maj.
“Taulant Balla gjatë karrierës së tij parlamentare ka komunikimin më kriminal dhe banal për bandat, nga kërkesat për t’ja mbushur kartën e telefonit, tek porositë për vrasjet, rrëmbimi i votave.
Kemi të bëjmë me përfaqësues të shëmtuar të bandave më kriminale të vendit. Ministrat kanë vjedhur dhe kanë zhdukur miliarda euro.
Grupi tjetër është i patronazhistëve famëzi, që nuk kanë ligj, as moral, mercenarë të vërtetë. Ne do të bëjmë të gjitha përpjekjet për të mbrojtur votën” tha ai.
