Mbrëmjen e djeshme një zjarr ka shpërthyer në një lokal nate në Shkup ku si pasojë kanë humbur jetën 59 persona dhe rreth 155 kanë mbetur të lënduar. Autoritetet e Maqedonisë së Veriut kanë lëshuar sot katër urdhër-arreste. Zjarri shpërtheu, teksa grupi muzikor DNK po performonte.
Ministri i brendshëm Pançe Toshkovski në një deklaratë për mediat sot tha se 39 nga viktimat janë identifikuar deri tani.
Sipas raportimeve lokale, dyshohet se zjarri shpërtheu si pasojë e fishekzjarrëve që ndezën mbrëmë brenda në lokal. Disa nga të lënduarit janë duke u trajtuar në Spitalin e Përgjithshëm të Koçanit.
Transmetuesi MRT raporton se 27 persona janë duke u trajtuar me djegie të rënda në Spitalin e Qytetit të Shkupit, ndërsa 23 të tjerë në Qendrën Klinike.
