Kuvendi i Serbisë ka miratuar dorëheqjen e kryeministrit, Milos Vuçeviç, ndërkohë që presidenti Aleksandër Vuçiç ka paralajmëruar se nëse nuk formohet qeveria e re brenda 30 ditësh, do të shpallen zgjedhje të reja. Vuçiç ka njoftuar se zgjedhjet mund të mbahen më 8 qershor.
Pas dorëheqjes së Vuçeviç në 28 janar, presidenti Vuçiç ka theksuar se nuk do të ketë qeveri kalimtare dhe se do të nisin konsultimet për formimin e qeverisë së re.
“Nuk do t’i shmang konsultimet, edhe pse e di se do të marr vetëm ofendime dhe nuk di çfarë tjetër nga ata që nuk kanë dy apo tre për qind në skenën politike serbe, por që mendojnë se po i bëjnë lajka dikujt me këtë”, tha Vuçiç.
Ai ka deklaruar se është i hapur edhe për mundësinë e zhvillimit të zgjedhjeve të reja, duke shtuar se konsultimet brenda Partisë Progresive Serbe (SNS) do të jenë më të rëndësishmet.
