Policia e Elbasanit ka ndaluar Aurel Mehjan, dhëndrin e ish-kryebashkiakut të ndjerë Qazim Sejdini. Mehja është ndaluar me urdhër të Prokurorisë pranë Gjykatës së Shkallës së Parë të Elbasanit për akuzën e “Kanosjes për shkak të detyrës” ndaj një punonjësi të policisë.
Sipas burimeve zyrtare, ngjarja ka ndodhur gjatë zhvillimit të Kupës “Dita e Verës” në Çiklizëm në qytetin e Elbasanit, ku Mehja goditi me makinën e tij një punonjës policie.
Ngjarja ndodhi në Bulevardin kryesor të Elbasanit, ndërsa policia ka nisur hetimet për incidentin. Aurel Mehja, një sipërmarrës i njohur në Elbasan, është gjithashtu drejtor i Kabinetit në Këshillin e Qarkut Elbasan.
