Gjykata e Lartë njofton se ka lënë në fuqi masën e sekuestros për vilën e deputetes Monika Kryemadhi në “Kodrën e Diellit”. Monika Kryemadhit i është sekuestrua një vilë me sipërfaqe: kati përdhes 152 m2, nga të cilat 82 m2 banesë dhe 70 m2 verandë, kati nëntokë 139 m2, kati i parë 79 m2, kati i dytë 51 m2, verandë kati i dytë 27.9 m2.
Pak kohë më parë Apeli liroi nga sekuestro vilën e nënës së ish-kryetares së LSI-së. Monika Kryemadhi është nën hetim për korrupsion, pastrim parash dhe fshehje të pasurisë. Bashkëshorti në proces divorci, Ilir Meta prej tetorit të vitit të kaluar ndodhet në burg.
