Ditën e sotme është mbyllur aeroporti Heathrow i Britanisë si pasojë e një zjarri në një nënstacion elektrik me pasojë ndërprerjen e energjisë elektrike.
Aeroporti ka anuluar 1350 fluturime për shkak të mungesës së energjisë elektrike. Në vendngjarje ishin 10 mjete dhe 70 zjarrfikëse që luftuan me flakën dhe u evakuuan 150 banorë që jetonin pranë nënstacionit.
Në një deklaratë, vetë aeroporti bëri me dije se mbyllja do të zgjasë përgjatë gjithë ditës së premte dhe është në funksion të sigurisë së udhëtarëve por edhe stafit të aeroportit.
“Pasagjerët nuk duhet të udhëtojnë drejt aeroportit në asnjë rrethanë derisa aeroporti të rihapet”, thuhet më tej në deklaratë.
