Ditën e sotme do të mbahet seanca gjyqësore për masën e sigurisë për shoferin e betonieres Aleksandër Krrashin, ku katër të rinjtë u përplasën për vdekje.
Seanca do të zhvillohet në orën 11:00 në dhomën penale dhe prokuroria në kërkesën e saj ka kërkuar arrest në burg. Seanca do të drejtohet nga gjyqtari Edvan Vecani.
Ndaj 24-vjeçarit, prokuroria ka ngritur veprat penale “Shkelja e rregullave të qarkullimit rrugor”, “Drejtimi i automjetit në mënyrë të parregullt” dhe “Largimi nga vendi i aksidentit”.
Në aksident humbën jetën Enejdi Laçi, Erildi Laçi 20 vjeç, Enrikejd Kurti 24 vjeç dhe Andi Laçi 22 vjeç. Makina e katër të rinjve u përplas me betonieren dhe si pasojë e shpërthimit të zjarrit ata u dogjën brenda mjetit.
