Po vijnë zgjedhjet dhe partitë po prezantojnë jo vetëm kandidatët por edhe programet elektorale. Koalicioni “Djathtas për Zhvillim” ka prezantuar programin elektoral të 11 Majit. Dy ishin çështjet kryesore në programin e këtij koalicioni; Rritja e pagave me 25% si dhe reformimi i skemës së pensioneve. Deputeti Dashamir Shehi ka sqaruar në detaje programin.
“Rritja e pagave me 25 %, për të riformatuar piramidën e pagave. Pensionet e ulëta të ngrihen nga 190 mijë ta çojmë 200 mijë -300 mijë. Do sakrifikojmë buxhetin e shtetit, çdo vit do vijë duke u ul, do t’ju rikthejmë dhe kompensojmë pronarët legjitim, taksa të ulëta me dy shkallë jo duke u ndryshuar vit për vit” tha ai.
Më pas deputeti Enkelejd Alibeaj prezantoi aspektin politik të programit. “Mbështetje e pakushtëzuar për drejtësinë, SPAK, BKH, GJKKO. Referendum për ndryshimet kushtetuese të 2008 që prishen të gjitha balancat e pushteteve në vend me zgjedhjet e deputetëve me lista të hapura dhe me garë. Do kërkojmë referendum për ndryshimet kushtetuese të vitit 2008. Një ndarje e re administrative me 90 bashki, të ndara në ato rurale dhe urbane me Tiranën metropol” tha ai.
