Policia e Shtetit ka përgatitur një plan masash për garantimin e rendit dhe sigurisë publike për ndeshjen Shqipëri – Andorra, që do të zhvillohet sot në “Arenën Kombëtare” në Tiranë, në kuadër të kualifikuesve për Botërorin 2026.
Sipas planit të publikuar, nga ora 15:00, do të bllokohen disa rrugë në afërsi të stadiumit. Rrugët që do të bllokohen janë:
Bulevardi “Dëshmorët e Kombit” (nga kryqëzimi i Presidencës drejt sheshit “Nënë Tereza”)
Rruga “Papa Gjon Pali II”
Rruga “Dervish Hima” (pranë ambasadës së SHBA-së)
Rruga “Asim Zeneli” (pranë ambasadës së SHBA-së)
Rruga “Themistokli Germenji”
Rruga “Gjergj Filipi”
Rruga “Lekë Dukagjini” (nga ish-Garda e Republikës deri te stadiumi)
Rruga “Faik Konica”
Rruga “Skerdilajd Llagami”
Gjithashtu, tifozët paralajmërohen që të mos hedhin sende të forta në fushë, pasi mund të përballen me gjobë ose burg. Futja e tifozëve në stadium do të fillojë nga ora 18:00.
