Specialistët e Seksionit për Hetimin e Narkotikëve të DVP Vlorë kanë arrestuar 40- vjeçarin R. R., banues në Vlorë, për akuzat e “Marrëdhënies seksuale ose homoseksuale me të mitura” dhe “Nxitjen për përdorimin e drogës”.
Ai dyshohet se më 22 mars 2025 ka abuzuar seksualisht me një 15-vjeçare. Gjithashtu, R. R. dyshohet se në bashkëpunim me 33-vjeçarin F. Q., (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Veprimet procedurale për këtë rast janë kryer në prani të prindërve të shtetaseve të mitura, psikologes së DVP Vlorë dhe mbrojtësve ligjorë.
