Në 26 vjetorin e nisjes së sulmeve të NATO-s, Qeveria serbe organizoi një përkujtimore shtetërore për viktimat.
Presidenti serb, Aleksandër Vuçiç, theksoi se Serbia nuk u mposht nga bombardimet e NATO-s, duke shtuar se sot ende rrezikohet nga faktorë të jashtëm.
“Ata i bezdis suksesi që kemi arritur pa armë dhe konflikte, i shqetëson fakti që ne po punojmë, ndërsa disa duan të bëjnë luftë. Ne nuk duam gjërat e të tjerëve dhe mbi të gjitha nuk duam të bëhemi peng apo marioneta. Ata kanë përdorur mjete të tjera kundër Serbisë, duke e pompuar me gënjeshtra”, tha Vuçiç.
Ai akuzoi ata që dëshirojnë të destabilizojnë Serbinë, ndërsa Milorad Dodik e quajti bombardimin një padrejtësi, pasi askush nuk është ndjekur për përgjegjësi.
“Duam demokraci të shumicës apo tirani të pakicës. Dhe a duam që Serbia apo nahija e dikujt tjetër të zgjedhin veten apo të zgjedhin të tjerët për ne? Si serb dhe president i Serbisë, ndihem krenar sepse e di përgjigjen. E di që Serbia, punëtore dhe e ndershme, nuk do të dorëzohet kurrë, nuk do të heqë dorë kurrë nga Serbia. Dhe askush nuk do ta robërojë Serbinë, dhe ajo do të mbetet e lirë dhe e pavarur”, shtoi ai.
