Kryeministri Edi Rama ka theksuar se Partia Socialiste do të vazhdojë të mbështesë drejtësinë në Shqipëri, duke e konsideruar si betejën më të vështirë dhe më të rëndësishme për vendin.
Ai theksoi se ky është momenti historik kur barazia para ligjit po realizohet konkretisht, pas reformës në drejtësi.
“Nëse ka një betejë madhore, të përditshme, më e vështira që askush nuk e ka marrë përsipër, është beteja me drejtësinë. Nëse ka sot një moment në historinë tonë, kur barazia para ligjit po synohet me vepra, është ky moment. Qysh prej 1912 kur Shqipëria krijoi shtetin e vet të pavarur, deri kur ne bëmë reformën në drejtësi, shpata e ndëshkimit, ishte në këtë zyrë. E kishin trashëguar njëri pas tjetrit, të parët e kësaj pune. Duke votuar PS, do e garantojmë këtë gjë. Ne do futemi në BE”, theksoi ai.
