Presidenti ukrainas Volodymyr Zelensky ka deklaruar se Rusia po përpiqet të përfshijë kushte shtesë në marrëveshjen e sigurisë detare të negociuar mes SHBA-së dhe dy palëve, Rusia dhe Ukraina, gjatë bisedimeve të zhvilluara në Arabinë Saudite.
“Sa i përket Detit të Zi, situata është më e ndërlikuar. Moska po përpiqet të fusë disa kushte shtesë në marrëveshje, e cila nuk përmban parakushte. Prandaj, ne presim që pala amerikane të sigurojë heshtje të pakushtëzuar në det,” tha Zelensky.
Marrëveshja, e njoftuar nga Shtetet e Bashkuara, përfshin sigurinë e lundrimit në Detin e Zi dhe ndalimin e sulmeve ndaj objekteve energjetike të të dyja palëve për 30 ditë. Megjithatë, Rusia kërkon heqjen e disa kufizimeve dhe sanksioneve për të realizuar marrëveshjen, ndërsa Zelensky kërkoi një marrëveshje të pakushtëzuar për të siguruar një armëpushim në det.
Në një konferencë shtypi në Paris, Zelensky gjithashtu falënderoi presidentin francez Emmanuel Macron për ndihmën ushtarake shtesë dhe diskutuan për rritjen e numrit të avionëve luftarakë Mirage 2000 në Ukrainë.
