Kandidati i Partisë Demokratike për Tiranën, Belind Këlliçi me anë të një postimi në rrjetin social shprehet se Edi Rama po vazhdon që të përdorë pushtetin e tij dhe po kryen krim elektoral.
Këlliçi thotë se ky krim zgjedhor është skandaloz dhe si i tillë duhet dënuar.
“Edi Rama kryen krim zgjedhor!
Nën peshën e rëndë të korrupsionit të shfrenuar qeveritar, kreu i organizatës vazhdon të përdorë gjithë pushtetin e tij, duke abuzuar dhe kryer krim zgjedhor, pa u shqetësuar aspak!
Media greke “Zarpanews” konstaton se ambasada e Shqipërisë në Greqi ka kryer pagesën e një salle, në të cilën Edi Rama zhvillon takim elektoral.
Kjo është skandaloze, dhe jo vetëm pse ndodh kaq haptaz, por akoma më shumë…
Është krim zgjedhor, dhe si i tillë duhet dënuar!!!
Task Forcën e SPAK për krimet zgjedhore e ka parë njeri ku është?!”, shkruan Këlliçi në facebook.
