Detaje të reja kanë dal në lidhje me skandalin që u publikua sot për sasinë prej 27 ton fileto pule e importuar nga Brazili, me prani të bakterit salmonela që u fut në tregun shqiptar nga kompania “Dimal Inc”.
Mishi i pulës ishte i infektuar me bakterin e njohur si “Salmonella Typhimurium”.
Sipas të dhënave të OBSH-së, “Typhi” është një patogjen kryesor enterik që infekton si njerëzit ashtu edhe kafshët. Infeksioni fillon me gëlltitjen e ushqimit të kontaminuar në mënyrë që salmonelat të arrijnë në epitelin e zorrëve dhe të shkaktojnë sëmundje gastrointestinale.
Tek simptomat përfshihen: temperaturë të lartë të zgjatur, lodhje, dhimbje koke, nauze, dhimbje barku dhe kapsllëk ose diarre. Ndërsa disa pacientë mund të kenë skuqje apo dhe krruajtje dhe ethe.
Sipas vlerësimeve të vitit 2019, ka 9 milionë raste të etheve tifoide çdo vit, duke rezultuar në rreth 110 000 vdekje në vit.
