Një raketë e planifikuar për të lëshuar një seri satelitësh nga Evropa u rrëzua dhe shpërtheu më pak se një minutë pasi u ngrit nga Norvegjia të dielën.
“Startupi” gjerman “Isar Aerospace” e kishte përshkruar këtë nisje si një test fillestar. Pavarësisht rrëzimit, kompania gjermane njoftoi se ky test siguroi të dhëna të rëndësishme për përpjekjet e mëvonshme për të nisur satelitët evropianë.
Raketa filloi të nxirrte tym dhe u përplas përsëri në Tokë menjëherë pas lëshimit nga stacioni Antoja, në territorin norvegjez në Arktik. Pamjet u transmetuan drejtpërdrejt në YouTube.
Raketa pa pilot u regjistrua si përpjekja e parë e fluturimit orbital nga Evropa, ku disa vende, përfshirë Suedinë dhe Britaninë, kanë thënë se duan një pjesë të tregut në rritje për misionet komerciale në hapësirë. Raketat orbitale janë projektuar për të vendosur ngarkesa të dobishme si satelitët brenda ose përtej orbitës së Tokës.