Gjykata e Tiranës ka dënuar me 18 vite burg Axel Hoxhaj, i cili gjatë një konflikti vrau me thikë bashkëmoshatarin e tij, Stiven Toshkesi 19-vjeç, ngjarje e ndodhur në Prill të 2023 në Tiranë.
Fajtor për moskallëzim krimi është cilësuar nga gjykata edhe Ensi Maze, miku i Hoxhajt pjesëmarrës në konfliktin fatal, që siç rezultoi nga hetimi kishte nisur për ngacmimin e një vajze.
Sipas vendimit të Gjykatës së Tiranës, ky konflikt për një vajzë kishte angazhuar dy grupet shoqërore të të pandehurit dhe viktimës.
