Kandidati i Partisë Demokratike për Tiranën, Belind Këlliçi në rrjetin e tij social ka postuar disa pamje nga prezantimi i programit për të rinjtë.
Këlliçi shprehet se Partia Demokratike ka një program të qartë dhe serioz për rininë. Ai thekson se është koha që të votohet numri 1 në fletën e votimit.
“Janë plot 58 kandidatë nën moshën 40 vjeç, që janë kandidatë zyrtarë për deputetë të PD në këto zgjedhje dhe 9 prej tyre vijnë pikërisht nga rradhët e FRPD.
Në këtë mision të madh shpëtimtar për Shqipërinë, të rinjtë kanë shansin historik që të vënë të gjitha energjitë e tyre më të mira ne funksion të ndryshimit që shqiptarët presin.
Partia Demokratike ka një program të qartë dhe serioz për rininë.
Nga përjashtimi nga tatimi mbi të ardhurat gjer në moshën 25 vjeç tek stimujt fiskalë dhe mbështetja financiare për investitorët nën moshën 35 vjeç, ne synojmë t’i japim të rinjve dhe Shqipërisë një shans të ri.
Është koha për 1-shin në fletën e votimit dhe në politikë! Është koha e rinisë.”, shprehet Këlliçi.
