Gjykata Themelore e Prishtinës ka gjobitur me 250 euro kryeministrin Albin Kurtin pasi nuk është paraqitur në Prokurorinë Speciale të Kosovës për të dëshmuar në lidhje me rastin e rezervave shtetërore.
Kurti është thirrur tre herë nga Prokuroria Speciale e Kosovës.
Ai dërgoi një letër në Gjykatën Themelore ku kërkoi që të intervistohej në ambientet e Kryeministrisë. Kurti refuzoi që të paraqitet në Prokurorinë Speciale, duke e konsideruar thirrjen si një veprim të motivuar politikisht.
Gjithashtu në datën e fundit të caktuar nga Prokuroria për të dëshmuar, Kurti nuk u paraqit për të dhënë dëshminë e tij, por vendosi të merrte pjesë në një aktivitet tjetër.
